Elorda ókildigi qoǵamdyq qor múshelerine járdem kórsetti (FOTO)

QMDB Nur-Sultan qalasy ókildiginiń uıymdastyrýymen búgin Bas shahardaǵy «Baqytty shańyraq» múgedektigi bar bala tárbıeleıtin otbasylar qoryna qaıyrymdylyq sharasy jasaldy. Qor tóraıymy Pernesh Abdýkarımqyzynyń jasaǵan ótinishine oraı búgin Elorda ókildigi atynan qor múshelerine 100 sómke et jáne azyq-túlik qory berildi.

Nur-Sultan qalasynyń bas ımamy Erbolat Júsipov bastaǵan ókildik qyzmetkerleri aldymen «Baqytty shańyraq» qorynyń jaqynda ashylǵan ortalyqtaryna soǵyp, naýqas sábılerdi emdeý-saýyqtyrý sharalaryna arnalǵan jumystarymen tanysyp, qor qyzmetkerlerine kómek sómkelerin tabystap qaıtty. Sol jerge jmylǵan ata-analar qaýymy men qor qyzmetkerlerine Erbolat Nuryldauly izgi tilegin bildirip, azdaǵan nasıhat aıtty.

Qaıyrymdylyq kómeginiń kólemdeý bolýyna baılanysty qalǵan járdem sómkeleri «Baqytty shańyraq» qorynyń qoımasyna tabystalyp, ókildik qyzmetkerleri karantın rejımin saqtaı otyryp atalǵan mekenjaıǵa jetkizip berdi.

Sýretterdi «FOTOGALEREIa» aıdarynan kóre alasyzdar!