Elorda ókildigi Qurban aıtta 5805 otbasyǵa qýanysh syılady (FOTO+VIDEO)
Qasıetti Qurban aıt merekesi kezinde QMDB Nur-Sultan ókildigi uıymdastyrǵan «Rabbyń úshin qurban shal!» qaıyrymdylyq aktsııasy aıasynda Elordamyzdaǵy 5805 muqtaj otbasyǵa qurbandyq eti jetkizildi. Bıylǵy karantın rejımine oraı Dinı basqarma bastamasymen uıymdastyrylǵan qashyqtyqtan qurban shalý rásiminde Elorda ókildigi boıynsha jalpy sany 41 iri qara jáne 1446 qoı túligi qurbandyqqa shalyndy. Onyń ishinde 1332 qoı men 17 sıyr qurban2020.kz jobasy aıasynda qurbandyqqa shalynsa, jekelegen musylman jamaǵaty 24 sıyr jəne 114 qoı malyn qurbandyqqa shalyp, etterin din qyzmetkerleri arqyly úlestirdi.
Qurbandyq maldaryn soıý jáne músheleý, paketterge bólip salý sekildi jumystar ókildik qyzmetkerleriniń atqarýymen karantın rejımine sáıkes, arnaıy sanıtarlyq tazalyq jasalǵan keshende ótkizilip, qaýipsizdik pen saqtyq sharalary barynsha saqtalyp otyrdy. Sondaı-aq, qurbandyq etterin berilgen mekenjaıǵa jetkizip berýge yqylas tanytqan eriktiler tobyna da turǵyndardyń qaýipsizdik máselesi jaıly túsindirme jumystary júrgizilgen bolatyn.
Aıta keteıik, aıt kúnderi qurbandyq etterin taratý jumystaryna Nur-Sultan qalasy ákimdiginiń uıytqy bolýymen Bas shahardaǵy birneshe eriktiler toptary da atsalysyp, mereke kúnderi meıirimdilik otyn mazdata tústi.
