Elorda ókildigi 250 otbasyǵa aýyzashar paketin taratty (FOTO)

Búgin, qasıetti Ramazan aıynyń alǵashqy kúni Nur-Sultan qalasy ókildiginiń uıymdastyrýymen jamaǵatqa tegin aýyzashar paketterin taratý jumystary bastaldy. Nur-Cultan qalasynyń bas ımamy Erbolat Júsipovtiń tóraǵalyǵymen Ramazan qarsańynda ótken ókildik jınalysynda osyndaı bastama kóterilip, qaladaǵy meshit ımamdary biraýyzdan qoldaý tanytqan bolatyn.

«Ramazan shýaǵy» dep atalatyn bul joba aıasynda meshit qyzmetkerleriniń uıytqy bolýymen aýyzashar paketteri ázirlenip, ókildik qyzmetkerleri men «Sharapat» eriktiler toby úı-úıge taratyp shyǵady. Qala boıynsha jarııalanǵan karantın rejımine oraı barlyq qaýipsizdik sharalary men saqtyq máselesi qatań qadaǵalanatyn bolady.

Osylaısha, elorda meshitteriniń atsalysýymen Ramazannyń alǵashqy kúni 250 otbasyǵa «Ramazan shýaǵyn» jetkizip, ulyq aıdyń meıirin sezdirýge tyrysty. Aıta keteıik, ıgi shara Ramazan aıy boıy jalǵasyn tabatyn bolmaq.

Sýretterdi «FOTOGALEREIa» aıdarynan kóre alasyzdar!