Elorda meshitteriniń jyldyq qorytyndy esebi tyńdaldy (FOTO)

Búgin QMDB Nur-Sultan qalasy ókildiginiń jyldyq qorytyndy esep berý jınalysy bolyp ótti. Shahar bas ımamy Erbolat Júsipovtiń tóraǵalyǵymen ótken qorytyndy jınalysta Elordamyzdaǵy 12 meshit bas ımamdary 2020 jyly atqarylǵan is-sharalar esebin baıandady. Esep berý úlgisine sáıkes meshitterdiń qorytyndy málimetteri arnaıy slaıd retinde Ekrannan kórsetilip, jazbasha úlgisi tapsyryldy.

Aıta keteıik, Qazaqstan musylmandary dinı basqarmasyna qarasty elimizdegi meshitter jumysy birneshe irgeli baǵyttar boıynsha júzege asyp keledi. Osyǵan sáıkes, qala meshitteriniń bas ımamdary ýaǵyz-nasıhat jumysy (onlaın jáne oflaın formatta ótken), oqý-aǵartý baǵyty, qaıyrymdylyq sharalary, teris aǵymmen jumys, pátýa jáne dinı rásimder, meshit isteri men sharýashylyq, Jastar jáne Áıel-qyzdar sektorlary boıynsha, ımamdardyń Baspasóz jáne BAQ-pen jumystary boıynsha esep berip, qosymsha suraqtar boıynsha da tolyqqandy málimet berip otyrdy.

Jınalys sońynda kelesi jylǵy jumys josparyna baılanysty dinı qyzmetkerler usynysy men ótinishteri tyńdalyp, ortaq jobalar túzildi. Qala bas ımamy Erbolat Júsipov bıylǵy jyldyń jalpy esebin jarııalap, keıbir baǵyttar boıynsha naqty tapsyrmalar júktedi.

Sondaı-aq, ókildik qyzmetkerleriniń jyl basynan beri atqarǵan jumystaryn saraptaı kelip, meshit bas ımamdary men naıb ımamdaryna, ókildiktiń baspasóz salasyndaǵy qyzmetkerlerge arnaıy «Alǵys hat» tabystap, marapattaý rásimin ótkizdi.

Sýretterdi «FOTOGALEREIa» kóre alasyzdar!