Elorda meshitteriniń ustazdaryna qurmet kórsetildi (FOTO)

Elordamyzdaǵy meshit ustazdary úshin bul apta basy qýanyshqa toly bastaldy. Keshegi ótken Ustazdar kúniniń qurmetine oraı Nur-Sultan qalasy ókildiginiń uıymdastyrýymen Elordamyzdaǵy meshitterde ustazdyq qyzmet atqaryp, jamaǵattyń dinı saýatyn ashyp kele jatqan bilikti mamandarymyzǵa arnaıy basqosý uıymdastyryldy.

Respýblıkalyq «Áziret Sultan» meshitiniń birinshi naıb ımamy Marat Bektazınov ustazdardy tól merekelerimen quttyqtap, búgingi basqosýdyń mańyzdylyǵyn atap ótti. Birinshi naıb múftı, Nur-Sultan qalasynyń Bas ımamy Naýryzbaı qajy Taǵanulynyń quttyqtaý lebizin jetkizip, ustazdyq qyzmetterin abyroımen atqara berýlerine tilek bildirdi.

Aıta keteıik, QMDB basymdyq beretin tórt baǵyttyń biri – oqý-aǵartý jumystary qazirgi tańda elimiz boıynsha birizdilikke túsip, jyl saıyn myńdaǵan jamaǵat meshitterden dinı saýatyn ashyp keledi. Eń bilikti  mamandardan jasaqtalǵan Elorda meshitteriniń ustazdar quramy da jyl sanap jańa oqý satysyn baǵyndyryp, arabsha «til syndyrǵan» shákirtter qatary da kóbeıip keledi. Osylaısha, ustazdar qaýymynyń jetistikterin aıtyp jigerlendirgen Marat Bektazınov ózara tájirıbe almasyp, oqytý júıesin damyta túsýge shaqyrdy.

Kezdesý sońynda ustazdarǵa arnaıy «Alǵys hat» tabystalyp, gúl shoqtary men baǵaly syılyqtar berildi.

Sýretterdi «FOTOGALEREIa» aıdarynan kóre alasyzdar!