Elorda meshitteriniń Ramazanǵa daıyndyǵy pysyqtaldy (FOTO)

Búgin respýblıkalyq «Áziret Sultan» meshitinde QMDB tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanulynyń tóraǵalyǵymen Elorda ókildiginiń jalpy jınalysy bolyp ótti. Nur-Cultan qalasyndaǵy 10 qulshylyq ordasynyń bas ımamdary men jaýapty qyzmetkerleri, «Astana» medrese-kolledjiniń basshylyǵy men ókildiktiń baspasóz hatshylary qatysqan basqosý barysynda qasıetti Ramazan aıyna daıyndyq jumystary pysyqtalyp, qala ımamdaryna naqty tapsyrmalar júkteldi.

Naıb múftı Naýryzbaı qajy Taǵanuly qaladaǵy qulshylyq ordalarynyń Ramazanǵa daıyndyq jumystarymen jekeleı tanysyp, saýapty da jaýapty merzimge saqadaı saı bolýyn tapsyrdy. Kún tártibindegi árbir másele boıynsha jalpy jospar qurylyp, jaýapty qyzmetkerler bekitildi. Taraýıh namazdarynyń tártibi men qarılar daıyndyǵy, aı boıy uıymdastyrylatyn aýyzashar dastarhandarynyń ázirligi pysyqtalyp, qasıetti aıda qaıyrymdylyq sharalaryn da jandandyra túsýge shaqyrdy. Halyqtyń orazaǵa degen nıetin oıatyp, yqylasyn arttyra túsý maqsatynda aqparattyq kitapshalar men búktemeler, oraza kestelerin ázirleý tapsyryldy.

Aıta keteıik, qasıetti Ramazan aıy bıylǵy jyly 6-mamyrda bastalady. Al, mamyrdyń 31-nen 1-maýsymǵa qaraǵan túni halqymyz qasıetti Qadir túnin qarsy alatyn bolmaq.  Ulyq merekemiz – Oraza aıty bıyl 5-maýsymǵa dóp kelip otyr.

Sýretter toptamasyn «FOTOGALEREIa» aıdarynan kóre alasyzdar!