Elorda meshitteriniń Oraza aıtqa daıyndyǵy pysyqtaldy (FOTO)
Búgin QMDB tóraǵasynyń birinshi orynbasary, naıb múftı Naýryzbaı qajy Taǵanulynyń tóraǵalyǵymen Nur-Sultan qalasy ókildiginiń jalpy jınalysy bolyp ótti. Alqaly basqosýda ısi musylman qaýymynyń ulyq merekesi – Oraza aıtqa daıyndyq jumystary pysyqtaldy.
Bas shahardaǵy qulshylyq ordalarynyń bas ımamdary men naıb ımamdary, ustazdar qaýymy men dinı saıt qyzmetkerleri qatysqan jınalys barysynda aıt namazyn ótkizý jaıy, jamaǵatqa aıtylatyn ýaǵyz-nasıhat jumystary, basqa da uıymdastyrylatyn is-sharalar talqylanyp, naqty tapsyrmalar berildi.
Aıta keteıik, Elorda meshitterinde ultymyzdyń ulyq merekeleri men dinı meıramdardy birneshe jyldan beri ulttyq sıpatta atap ótý dástúrge aınalǵan. Osy bir ıgi dástúrdi bıylǵy jyly joǵary deńgeıde uıymdastyryp, meshit aýlalarynda kıiz úı tigilip, aıtshylap kelgen jamaǵatqa arnap dastarhan jaıylatyn bolmaq. Sondaı-aq, aıt namazyna jıylǵan jamaǵat arasynda merekelik kóńil-kúı ornatyp, baýyrlastyqty arttyra túsý maqsatynda ulttyq oıyndar oınatylyp, júldeli syılyqtar beriledi. Buǵan qosa, ulyq mereke aıasynda meshit aýlalarynda qaıyrymdylyq jármeńkesin ótkizý de josparlanyp otyr.
Eskerte keteıik, qasıetti Oraza aıt namazy Nur-Sultan qalasy boıynsha 5-maýsym kúni saǵat 07.00-de oqylady. Basqa qalalardaǵy Oraza aıt namazynyń ýaqyty týraly myna siltemeden bile alasyzdar!
