Elorda meshitteriniń áıel ustazdaryna arnalǵan semınar ótti (FOTO)

Búgin respýblıkalyq «Áziret Sultan» meshitinde Nur-Sultan qalasyndaǵy áıel ustazdarǵa arnalǵan ekikúndik semınar-trenıng óz máresine jetti. Elorda meshitterinde qyzmet atqaratyn áıel ustazdardyń biliktiligin jetildirý maqsatynda uıymdastyrylǵan semınar jumysy aıasynda teris aǵymdarǵa qarsy kúres sharalary, dástúrli Islam qundylyqtary men otbasy baqytyn nasıhattaý jumystary, t.b. taqyryptar qozǵalyp, bilikti mamandardyń keńesine qanyqty.

Semınardyń birinshi kúni áıel ustazdarǵa «Sádýaqas Ǵylmanı» meshitiniń bas ımamy, belgili teolog Nurlan Ramazanov teris aǵymdar jaıly dáris oqyp, Ektremızm men terrorızmge qarsy kúres júrgizýdiń tetikteri men joldary jaıly túsindirdi.

Eki kúnge sozylǵan semınar aıasynda áıel ustazdarǵa áleýmettik jelini paıdalaný ádebi men qosymsha artyqshylyqtary jaıly da aıtyldy. Ǵalamtor jelisindegi din nasıhatyn damyta túsýdiń túrli tetikteri kórsetilip, qatysýshylar úshin qajetti málimetter berildi.

Sýretterdi «FOTOGALEREIa» aıdarynan kóre alasyzdar!