Elorda meshitteriniń áıel shákirtteri arasynda ıntellektýaldy saıys ótti (FOTO)

Keshe Astana qalasyndaǵy respýblıkalyq «Áziret Sultan» meshiti men Astana qalasy ákimdiginiń Din problemalaryn zertteý ortalyǵynyń «Hanshaıym qyz-kelinshekter klýbynyń uıymdastyrýymen Elorda meshitterindegi Dinı saýat ashý kýrsynyń áıel shákirtteri arasynda «Zerde» ıntellektýaldy saısy bolyp ótti.

Saıysqa respýblıkalyq «Áziret Sultan» meshiti, «Nur Astana», «Sádýaqas qajy Ǵylmanı», «Áljan ana», «Yryskeldi qajy» meshitterindegi saýat ashý kýrsynda tálim alatyn áıel shákirtter qatysyp, bilimderi men ushqyr oılaryn ortaǵa saldy. Saıys barysynda «Qazaqstan», «Tarıh», «Salt-dástúr», «Táýelsizdik» taqyryptarynda memlekettik jáne ulttyq qundylyqtar, salt-sanaǵa qatysty saýaldar qoıylyp, tushymdy jaýaptarmen jalǵasyn tapty.

QMDB Áıelder-qyzdar sektorynyń meńgerýshisi Aqbópe Qanatqyzy, Respýblıkalyq «Áziret Sultan» meshitiniń ustazy Dinmuhammed Smanov bastaǵan qazylar alqasy qatysýshylardyń jan-jaqty bilimin baǵalap, saıystyń tóreligin júrgizip otyrdy.

Birneshe aınalymnan turǵan saıystyń qorytyndysy boıynsha, 1-oryndy «Nur Astana» meshitiniń shákirti Dildábek Jansaıa ıelense, «Áljan ana» meshitiniń shákirti Rysqalıeva Ulǵanymǵa II-oryn berildi. Júldeli III-orynǵa respýblıkalyq «Áziret Sultan» meshitiniń shákirti Shaǵangúl Maqsutqan laıyq dep tanyldy.Júldegerlerge arnaıy dıplom men alǵys hattar tabystalyp, baǵaly syılyqtarmen  marapattaldy.

Sýretterdi «FOTOGALEREIa» aıdarynan kóre alasyzdar!