Elorda meshitterine sadaqa termınaldary ornatyldy (FOTO)

Búgin Nur-Sultan qalasyndaǵy «Áljan ana» meshitinde Elordadaǵy qulshylyq ordalaryna sadaqa termınaldaryn ornatý saltanaty bolyp ótti. Aıtýly oqıǵaǵa Aqparat jáne qoǵamdyq damý mınıstri Dáýren Áskerbekuly Abaev bastaǵan bılik ókilderi, QMDB tóraǵasy, Bas múftı Serikbaı qajy Oraz, Birinshi naıb múftı, Nur-Sultan qalasynyń bas ımamy Naýryzbaı qajy Taǵanuly jáne Elorda ımamdary  men jamaǵaty qatysty.

Is-sharada QMDB tóraǵasy, Bas múftı Elordadaǵy barlyq 12 meshitke 32 Elektrondy termınal ornatylǵandyǵyn jetkizdi. Sondaı-aq, termınaldardy ornatý jumystary jalǵasatyndyǵyn atap ótti.

Mınıstr Dáýren Abaev zamanaýı tásildi qoldanysqa engizý halyq aldynda dinı basqarmanyń esep aıyrysý shotyna qolma-qol aqshasyz azamattardan qaıyrymdylyqtyń túsýi QMDB-nyń qarjy-sharýashylyq qyzmetiniń ashyqtyǵy men jarııalylyǵyna oń septigin tıgizetindigin málimdedi.

Sonymen qatar, Mınıstr men Bas Múftı «Áljan Ana» meshitinde Elorda ımamdarymen kezdesip, olardyń aǵartýshylyq qyzmetine qatysty máselelerdi talqylady.