Elorda meshitterinde zalalsyzdandyrý jumystary júrgizilýde (FOTO)

Qazirgi tańda koronavırýs qateriniń kúlli adamzat balasyna úreı týǵyzyp otyrǵany jasyryn emes. Jer-jerde saqtyq sharalary qolǵa alynyp, tazalyq máselesine basa mán berilýde. Halyq kóp shoǵyrlanatyn qoǵamdyq oryndardyń qaýipsizdigi jiti baqylanyp, qaterli dertten saqtaný sharalary júıeli túrde aıtylyp keledi.

Osy oraıda, Qazaqstan musylmandary dinı basqarmasy koronavırýstyń aldyn alý sharalaryna qatysty úndeý jarııalap, saqtyq sharalaryn kúsheıtýge shaqyrǵan bolatyn. Qazirgi tańda qulshylyq ordalaryna jınalatyn jamaǵat sanynyń kóptigi basa eskerilip, tazalyq pen qaýipsizdik sharalaryn qatań qadaǵalalanyp, aldyn alý jumystaryn kúsheıtilip keledi.

Atalmysh talap aıasynda búgin respýblıkalyq «Áziret Sultan» meshitinde arnaıy zalalsyzdandyrý (dezınfektsııa) jumystary júrgizilip, qulshylyq ordasynyń kóptegen jerlerine medıtsınalyq tazartqysh suıyqtyqtar ornatyldy. Atap aıtqanda, qyzmettik bólmeler men tómengi qabattaǵy dinı zattar dúkenine, dárethana men ashana aýmaqtaryna atalmysh suıyqtyq qurylǵylary qoıylyp, kelýshi jamaǵatqa da tazalyq saqtaý talaptary tanystyrylýda. Koronavırýs dertinen qorǵaný úshin saqtalýy qajet bolǵan gıgıenalyq erejeler jazylǵan arnaıy paraqshalar jabystyrylyp, qajetti maǵlumattar usynylyp otyr.

Elimizdiń Bas meshitinen bastalǵan zalalsyzdandyrý sharasy qazirgi ýaqytta Elordamyzdaǵy barlyq meshitterde jalǵasyn tabý ústinde.