ELORDA MEShITTERINDE «TEGIN TAKSI» QAIYRYMDYLYQ JOBASY JÚZEGE ASYP JATYR

Astana qalasy ókildigine qarasty meshitterdiń atsalysýymen Din jáne otbasy baǵyty aıasynda elordada «Tegin taksı» qaıyrymdylyq jobasy júzege asyp jatyr.

Joba aıasynda meshit qyzmetkerleri men jamaǵat aýa raıynyń kúrt sýytýyna baılanysty jolda qalǵan nemese ashyq aıaldamalarda kólik kútip turǵan turǵyndardy tegin jetkizip, olarǵa qoldaý kórsetip jatyr.

Igi bastama qoǵamdaǵy meıirimdilik pen janashyrlyqty arttyrýǵa baǵyttalǵan. Sýyq kúnderi jolaýshylarǵa kómek kórsetip, olardyń dittegen jerine aman-esen jetýine yqpal etý – jobanyń basty maqsaty.

Sonymen qatar, Astana qalasyndaǵy meshitter bul kúnderi basqa da qaıyrymdylyq sharalaryn qatar atqaryp jatyr. Atap aıtqanda, kóshe tazalyqshylaryna ystyq shaı men tamaq taratý, muqtaj otbasylarǵa kómir men otyn jetkizý, azyq-túlik sebetterin taratý sııaqty ıgi ister júzege asyrylyp jatyr.

Источник: Aisha