ELORDA MEShITTERINDE AS BERÝ MÁDENIETI TÚSINDIRILDI

Astana qalasyndaǵy elorda meshitterinde as berý mádenıetin qalyptastyrý, ysyrapshyldyqtyń aldyn alý jáne ulttyq dástúrdiń taǵylymdy mánin dáripteý baǵytynda jamaǵatqa túsindirý jumystary júrgizilýde.

Meshit ımamdary 2025 jyly ótken respýblıkalyq ımamdar forýmynda qabyldanǵan «As berý mádenıeti» qujatyn jamaǵatqa tanystyryp, as berý rásimderinde qarapaıymdylyqty saqtaý, orynsyz shyǵynǵa jol bermeý jáne el arasyndaǵy básekelestikten arylýdyń mańyzyn túsindirýde.

Ýaǵyz barysynda as berýdiń máni mol dastarqan jaıýmen nemese ózgelerden asyp túsýge umtylýmen ólshenbeıtini aıtyldy. Onyń negizgi maqsaty – marqumǵa Quran baǵyshtap, duǵa jasaý, aǵaıynnyń basyn qosyp, saýapty iske uıytqy bolý.