Elorda meshitteri arasynda tuńǵysh ret qysqy marafon uıymdastyryldy (FOTO+VIDEO)

Búgin Elorda tórinde meshit shákirtteri men jamaǵatynyń qatysýymen tuńǵysh qysqy marafon bolyp ótti. Ulyq mereke qurmetine oraı uıymdastyrylǵan «Táýelsizdik – tuǵyrymyz» qysqy marafonyna Nur-Sultan ókildigine qarasty qaladaǵy 12 meshittiń shákirtteri men jamaǵatynan quralǵan 12 komanda qatysty.

Aıta keteıik, árbir komanda quramy marafon talaptaryna sáıkes 12-17 jas, 18-25 jas, 26-35 jas, 36-45 jas aralyǵyndaǵy jáne 45-ten asqan jamaǵattan jasaqtalyp jáne mindetti túrde bir dinı qyzmetker qatysýy tıis bolǵan. Birneshe shaqyrymǵa sozylǵan qysqy marafon jolyn qatysýshylar erkin eńserip, salaýatty ómir saltyn jaqsy ustanatyndyqtaryn baıqatty.

Marafon máresinde sóz alǵan Elorda ımamdary júgirý – ardaqty Muhammed (s.ǵ.s.) paıǵambar ustanǵan súnnet amal ekenin aıtyp, búgingi sharanyń mańyzdylyǵyn atap ótti. Sondaı-aq, elimizdiń Ánurany shyrqalyp, Kókbaıraqtyń qadiri asqaqtaǵan búgingi sharanyń Táýelsizdik merekesine jasalǵan ıgi qadam ekendigi de sózsiz boldy.

Komandalyq esep nátıjesinde «Táýelsizdik – tuǵyrymyz» qysqy marafonyń kýbogy «Ál-Ǵanı» meshitiniń komandasyna buıyrdy. Kelesi jeńis satysyn «Ǵylmanı» meshitiniń «Qyran» toby ıelense, «Yryskeldi qajy» meshitiniń «Saryarqa» komandasy III-orynǵa ıe boldy. Júldeger komandanyń árbir múshesine arnaıy medal tabystalyp, Nur-Sultan ókildiginiń dıplomymen marapattaldy. Sondaı-aq, qatysýshylardyń barlyǵyna Nur-Sultan qalasy Bas ımamynyń «Alǵys haty» tabystaldy.

Sýretterdi «FOTOGALEREIa» aıdarynan kóre alasyzdar!