Elorda meshitteri arasynda fýtboldan úlken týrnır ótti (FOTO)
QMDB Nur-Sultan qalasy «Sádýaqas qajy Ǵylmanı» meshitiniń bas ımamy Nurlan Ramazanovtyń uıymdastyrýymen, «Trıatlon park» sport kesheninde Nur-Sultan qalasy meshitteri arasynda «Qýatty musylman – álsiz musylmannan qaıyrly» atty fýtboldan týrnır ótti. Atalmysh týrnırge on meshit, «Islam ortalyǵy» jáne «Astana» medresinen quralǵan 12 komanda, (ár qaısysynda 5 sportshy) barlyǵy 60 sportshynyń qatysýymen teńbil doptan kúshterin synady. 70-ke jýyq kórermen belsendi jankúıer bolyp, dodanyń kórigin qyzdyra tústi.
Shara barysynda Nur-Sultan qalasynyń «Din problemalaryn zertteý» ortalyǵynyń KMM basshysy Japal Dolıev, QMDB Nur-Sultan qalasy ókildigi, respýblıkalyq «Áziret Sultan» meshitiniń birinshi naıb ımamy Qanat Qydyrmın jáne basqa da qurmetti qonaqtar qatysyp, sóz sóıledi.
Sondaı-aq, týrnırden júldeli bolǵan komandalarǵa «Sádýaqas qajy Ǵylmanı» meshitiń bas ımamy Nurlan Ramazanov jáne naıb ımamdar Serikbol Hamanuly, Ońǵar Haırıdınov, Nursultan Shamshıdın qatarly ımamdar alǵys hattarmen jáne aqshalaı syılyqtarmen marapattady.
Týrnır qorytyndysy:
Birnshi oryn (50 myń)
«Kýnta qajy» meshiti «Batyr» komandasy
Ekinshi oryn (30 myń)
«Sádýaqas qajy Ǵylmanı» meshiti «Saryarqa» komandasy
Úshinshi oryn (20 myń)
«Áziret Sultan» meshiti «Sultan» komandasy
