Elorda meshitteri 238 balaǵa qýanysh syılady (FOTO+VIDEO)

Qazaqstan musylmandary dinı basqarmasynyń aıasynda bastalǵan «Mektepke jol» qaıyrymdylyq aktsııasy búgin respýblıkalyq «Áziret Sultan» meshitinde jalǵasyn tapty.

QMDB Nur-Sultan qalasy ókildigi, Elorda meshitteriniń jumyla uıymdastyrýy men demeýshi jandardyń qoldaýy arqasynda Bas meshittegi «Mektepke jol» qaıyrymdylyq aktsııasy bıylǵy jyly 238 muqtaj otbasyny qamtydy. Olarǵa mektep sómkeleri men qajetti oqý quraldary jáne de onlaın bilim alýǵa arnalǵan arnaıy planshetter men smartfondar tabys etildi.

«Áziret Sultan» meshitiniń Bas ımamy Erbolat Júsipov bilim jolyndaǵy búldirshinderge sáttilik tilep, izgi tilegin arnady. Sondaı-aq, aktsııaǵa atsalysqan demeýshi jandarǵa da óz alǵysyn bildire kele bul qaıyrymdylyq sharasy bilimge jasalyp  otyrǵan qoldaý ekenin atap ótti.

Sondaı-aq, qaıyrymdylyq sharasyna Bas múftıdiń keńesshisi Baltabaı Mekejan, Nur-Sultan qalasy ákimdigi Din isteri basqarmasynyń basshysy Nurdáýlet Álmuhanov jáne Nur-Sultan qalasy ákimdigi Jastar isi basqarmasynyń basshysy Dáýlet Káribek qatysyp, búldirshinderge arnaıy syılyqtardy tabys etti.

Sanıtarlyq talaptar negizinde ótkizilgen qaıyrymdylyq aktsııasyna sany shekteýli otbasylar ǵana qatysyp, qalǵany Elorda meshitteriniń jamaǵatynan quralǵan eriktiler tarapynan muqtaj otbasylarǵa jetkizip berildi.

Aıta ketsek, búginnen bastap elimizdegi meshitter jamaǵatqa óz esigin aıqara ashty. Qulshylyq oryndary bekitilgen sanıtarlyq normalar negizinde jumys isteıtin bolady.

Sýretterdi «FOTOGALEREIa» aıdarynan kóre alasyzdar!