Elorda meshitteri 1 000 otbasyǵa aýyzashar taratty (FOTO)
Qasıetti Ramazan aıy bastalysymen elimizdiń kóptegen óńirlerinde meshitterdiń uıymdastyrýymen aýyzashar paketterin taratý jumystary qolǵa alynǵan bolatyn. Igi sharaǵa alǵash bolyp ún qosqan Elorda ókildigi de «Ramazan shýaǵy» atty joba bastap, Bas qala jamaǵatyna tegin aýyzashar paketterin úzbeı taratyp keledi.
Nur-Sultan qalasynyń bas ımamy Erbolat Júsipovtiń bastamasymen bul sharanyń búginde aýqymy keńeıip, qamtyǵan otbasy sany da edeýir kóbeıip keledi. Osy sózimizdiń dálelindeı, keshegi kúni Elorda ókildiginiń uıytqy bolýymen qaladaǵy 1 000 otbasyǵa tegin aýyzashar paketteri úlestirildi.
Aıta keteıik, elimizde jarııalanǵan tótenshe jaǵdaı rejımine jáne karantın erejelerine sáıkes, aýyzashar paketterin taratý jáne qaıyrymdylyq sharalary barlyǵy da saqtyq-tazalyq talaptaryna saı ótkizilýde. Bas meshit janynan qurylǵan «Sharapat» eriktiler toby jáne ókildik qyzmetkerleri taratý jumystaryna tyńǵylyqty daıyndyqpen kirisýde.
Qurmetti jamaǵat!
Elorda ókildiginiń «Ramazan shýaǵy» atty tegin aýyzashar paketterin taratý jumystaryna siz de úles qosa alasyz! Tómendegi baılanys telefonyna habarlasyp nemese Kaspi Gold qosymshasy arqyly kez kelgen somada járdemdesýge bolady: 8 705 291 78 72 (Estaı Abdyǵalı, «Áziret Sultan meshitiniń naıb ımamy)
