Elorda ımamdarynyń jalpy jınalysy ótti (FOTO)

Búgin QMDB Nur-Sultan qalasy ókildigi qyzmetkerleriniń jalpy jınalysy bolyp ótti. Qala bas ımamy Erbolat Júsipovtyń tóraǵalyǵymen ótken jıynǵa Elordadaǵy 12 meshittiń bas ımamdary men naıb ımamdary qatysyp, birqatar mańyzdy máselelerdi talqylady.

Atap aıtqanda, qulshylyq ordalaryndaǵy sanıtarlyq tazalyq jumystary pysyqtalyp, kelýshi jamaǵattyń jeke bas qaýipsizdigi men saqtyq sharalaryna basa mán berilýi tıistigi eskertildi. Sondaı-aq, teris aǵymdarmen jumys jáne qaıyrymdylyq sharalary baǵyty boıynsha esepter tyńdalyp, naqty tapsyrmalar berildi.

Jıyn barysynda «QMDB-30 jyl» jobasy aıasynda atqarylatyn iri sharalar jaıy talqylanyp, jumys jospary túzildi. Buǵan qosa, Elorda ımamdarynyń ýaǵyz-nasıhat jumystary da ortaǵa salynyp, ǵalamtor jelisindegi belsendilikti arttyrý máselesi qozǵaldy.

Osyǵan oraı, ókildik jınalysynyń ekinshi bólimine QMDB Aqparat jáne qoǵammen baılanys bóliminiń meńgerýshisi Marat Bektazınov arnaıy shaqyrylyp, Elorda ımamdaryna áleýmettik jelilerdegi jumys barysy túsindirildi. Karantın shekteýlerine oraı onlaın ótkizilip jatqan sabaqtar men dáristerdiń mańyzdylyǵyna toqtalyp, ǵalamtormen jumystyń tıimdiligin arttyrý joldary aıtyldy.

Sýretter toptamasyn «FOTOGALEREIa»  aıdarynan kóre alasyzdar!