Elorda ımamdarynyń Ramazanǵa qatysty jınalysy ótti (FOTO)

Búgin Elorda tórindegi respýblıkalyq «Áziret Sultan» meshitinde Nur-Sultan ókildigine qarasty qulshylyq ordalarynyń qasıetti Ramazan aıyna daıyndyǵy pysyqtalyp,  meshit bas ımamdarynyń qatysýymen jalpy jınalys bolyp ótti. Nur-Sultan qalasynyń bas ımamy Erbolat Júsipovtyń tóraǵalyǵymen ótken jınalys barysynda birqatar máseleler talqylanyp, naqty tapsyrmalar berildi.

Atap aıtqanda, múbárak aıdyń kelýin súıinshileıtin kóshe bannerleri men quttyqtaý hattaryn ázirleý, ókildik saıttary arqyly oqyrmanǵa oraza jaıly aqparat jetkizý, ǵalamtor jelisindegi suraqtarǵa jaýap berý, júrgizilip kele jatqan onlaın dáristerdiń aýqymyn keńeıtý, bıylǵy Ramazanǵa qatysty Dinı basqarma pátýalaryn nasıhattaý syndy tapsyrmalar berilip, jaýapty ımamdardyń kestesi quryldy.

Sondaı-aq, jınalys barysynda qaıyrymdylyq sharalaryn uıymdastyrý jumysyna da basa mán berilip, qaýipsizdik pen saqtyq sharalaryn qatań qadaǵalaý eskertildi.

Sýretterdi «FOTOGALEREIa» aıdarynan kóre alasyzdar!