Elorda ımamdarynyń onlaın sabaqtaryna qatysyńyz!

Elimizde jarııalanǵan karantın rejımine oraı qazirgi tańda QMDB-ǵa qarasty qulshylyq ordalarynyń qyzmetine shekteý qoıylǵanymen, ýaǵyz-nasıhat sabaqtary, qaıyrymdylyq sharalary sekildi irgeli baǵyttar boıynsha jemisti jumystar atqarylyp keledi. Bas múftı Naýryzbaı qajy Taǵanulynyń bastamasy aıasynda búgingi tańda elimizdegi iri meshitterde onlaın sabaqtar men Quran hatym, arnaıy sabaqtar kestesi túzilip, oqyrman suranysyna tushymdy jaýap berip keledi.

Osy oraıda, QMDB Nur-Sultan qalasy ókildigi de karantın rejımi kezindegi Onlaın dárister toptamasyn qaıta jandandyryp otyr. Esterińizge sala keteıik, buǵan ókildik uıymdastyrýymen birneshe márte onlaın jobalar iske qosylyp, oqyrman rızashylyǵyna bólengen bolatyn.

Tómende kórsetilgen keste boıynsha endi Elorda ımamdary «Otbasy ǵylymhaly», «Ádep sabaqtary», «Fıqh dáristeri», «Sokrovennye taıny Kýrana» (orys tilinde), «Musylman mindetteri» taqyrybynda turaqty túrde dáris júrgizetin bolady. Imanyńyzdy kúsheıtip, bilimińizdi arttyrǵyńyz kelse, onlaın sabaqtarǵa qatysyńyz!