ELORDA IMAMDARYNYŃ BILIKTILIGIN ARTTYRÝ BOIYNShA SEMINAR ÓTTI (FOTO)

Astana qalasy Din isteri basqarmasynyń qoldaýymen Dinderdi zertteý ortalyǵy elorda ımamdarynyń biliktiligin arttyrý boıynsha semınar uıymdastyrdy.

Is-shara Qazaqstan Respýblıkasynyń Din salasyndaǵy memlekettik saıasatyn júzege asyrý jónindegi keshendi jospardy oryndaý sheńberinde ótkizildi. Maqsaty – ımamdardyń biliktiligin arttyrý jáne bilim deńgeıin kóterý.

Jıynda Astana qalasynyń Din isteri jónindegi basqarmasynyń basshysy Q.D. Kóshqalı, Astana qalasynyń bas ımamy E.N. Júsipov, «Nur Múbárak» Egıpet ıslam mádenıeti ýnıversıtetiniń oqytýshysy, PhD A.Sh. Jamashev, psıholog, PhD Á.A. Tólegenova, teolog D.D. Saqan baıandama jasap, moderator retinde din máseleleri boıynsha sarapshy A. Nurahmetuly sóz sóıledi.

Sharada qoǵamdyq kelisim men turaqty damýdyń basty qaǵıdasy retinde zaıyrlylyqqa, din qyzmetkerleriniń halyqpen qarym-qatynasyna, ońaltý salasyndaǵy ózekti máselelerge, psıhologııalyq ádis-tásilderge, áleýmettik jelilerdegi belsendiligi men ózin-ózi ustaý mádenıetine jáne t.b. erekshe nazar aýdaryldy.

Aıta ketý kerek, bul semınar Astanada ákimdigi tarapynan jyl saıyn uıymdastyrylyp keledi.

Источник: Aidos