ELORDA IMAMDARYNA ÝAǴYZ AITÝDYŃ ÁDEBI MEN MÁDENIETI JAILY SEMINAR ÓTTI (FOTO)

Astana qalasynyń ımamdaryna QMDB Ýaǵyz-nasıhat bóliminiń meńgerýshisi Batyrjan Mansurov ýaǵyz aıtýdyń ádebi men mádenıeti jaıly semınar ótti.  

Jıynda Batyrjan Berdenuly din qyzmetkerlerine nasıhat jasaýdyń joldaryn, onyń ádepteri men ýaǵyz aıtýdyń túrleri jáne basqa jaǵdaıattaryn túsindirip ótti.

Ýaǵyz aıtý – adamdarǵa dindi jetkizýdiń bir joly. Ýaǵyzdy kópshilikke jetkizý úshin ımamnyń aıtatyn nasıhaty jan-jaqty, taqyryptan aýytqymaı ári tereń mazmundy ári sheshendik ónermen túsinikti etip aıtylýy kerek. Ýaǵyz aıtý úlgisin joǵary dárejede oryndaý – musylman úmbetiniń saýattylyǵyn arttyrýǵa, jan-jaqty tulǵa, ári otanshyl azamat bolyp qalyptasýyna, dinaralyq birlik pen tatýlyqqa yqpal etý arqyly memleket irgesiniń bútindigine qyzmet etýge úles qosady.

Aıta keteıik, Astana qalasynda ótken I respýblıkalyq ýaǵyzshylar forýmynda arnaıy qujat qabyldanǵan bolatyn. Tuǵyrnamada halyq arasynda ýaǵyz aıtyp, jamaǵatqa adal men aramdy túsindirip júretin ımamdarǵa qajetti ereje-qaǵıdalar qamtylǵan.

Источник: Aidos