ELORDA IMAMDARY JASANDY INTELLEKT BOIYNShA BILIMDERIN JETILDIRDI

21 qarasha 2026 264 0
Оqý rejımi

Astana qalasy ókildiginiń uıymdastyrýymen elorda ımamdaryna arnalǵan «Jasandy ıntellekt quraldaryn kásibı qoldaný» taqyrybyndaǵy praktıkalyq semınar ótti. Semınardy Qazaqstan musylmandary dinı basqarmasy Tsıfrlyq damý bóliminiń meńgerýshisi Tımýr Serikqanuly júrgizdi.

Jıynǵa qatysqan Astana qalasynyń Bas ımamy Nurbek qajy Áýeshanuly jasandy ıntellekt pen jańa tehnologııalar qazir ómirdiń barlyq salasyna enip kele jatqanyn aıtty. Bas ımam Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń bastamasymen bul salaǵa erekshe kóńil bólinip jatqanyn jetkizdi. Onyń dáleli retinde jaqyn arada qoldanysqa enetin «AI Imam» jobasyn atady.

«Din mamandary retinde biz de zaman aǵymynan qalmaýymyz kerek. Dinı bilimdi zamanaýı tásildermen jetkizý úshin jańa tehnologııalardy meńgerý – búgingi kúnniń basty talaby. Paıǵambarymyz (Oǵan Allanyń salaýaty men sálemi bolsyn) «Bilim izdeý árbir musylmanǵa paryz», degen. Endeshe paıdaly bilimdi úırený, ony ıgi maqsatta qoldaný da bizdiń mindetimiz» – dedi Nurbek qajy Áýeshanuly.

Semınarda jasandy ıntellekt ımamdardyń kúndelikti qyzmetine jaqyndatylyp, tájirıbede qoldaný joly kórsetildi. Spıker dinı bilimdi zamanaýı tásilmen qalaı ushtastyrý qajettigin túsindirdi. Zamanaýı jasandy ıntellekt quraldarynyń negizgi baǵyttary men olardyń múmkindikteri tanystyryldy. Sabaq ımamdarǵa qajetti tórt baǵytqa bólindi: prezentatsııa jasaý, moýshn-vıdeo men vıdeomontaj, Vibe Coding jáne AI agentter.

Prezentatsııa bóliminde ımamdar ýaǵyz ben dáriske arnalǵan materıaldy qalaı daıyndap, oǵan sýret pen dıagramma qosyp, jumysty qalaı Eksporttaý keregin úırendi. Vibe Coding bóliminde baǵdarlamalaý tilin bilmeı-aq, tabıǵı tilde tapsyrma berý arqyly saıt nemese qosymsha jasaý joly kórsetildi. AI agentter týraly bólimde meshit qyzmetindegi esepterdi daıyndaý, qujattarmen jumys sııaqty qaıtalanatyn isti avtomatty túrde oryndaıtyn júıeler sóz boldy. Sonymen qatar vıdeo men sýret jasaýǵa kómektesetin platformalar da tanystyryldy.

Taqyryptyń ár bóligin júıeli túrde túsindirgen Tımýr Orynhanov jasandy ıntellekt adamnyń ornyn almastyrý úshin emes, onyń múmkindigin keńeıtý úshin qajet ekenin eskertti. Imamdarǵa quraldy durys tańdaý, tapsyrmany naqty qoıý, nátıjeni, ásirese dinı mazmundy mindetti túrde tekserý jáne jaýapkershilikpen paıdalaný qaǵıdalary usynyldy.

Источник: Aisha

Pіkіrler Kіrý