ELORDA IMAMDARY «RAMAZAN SYIY» RESPÝBLIKALYQ QAIYRYMDYLYQ MARAFONYNA QATYSTY (FOTO)

Búgin Qazaqstan musylmandary dinı basqarmasynyń uıymdastyrýymen el Táýelsizdiginiń 35 jyldyǵyna oraı 35 myń otbasyǵa kómek kórsetýdi maqsat etken «Ramazan syıy» respýblıkalyq qaıyrymdylyq marafony bastaý aldy.

Aýqymdy qaıyrymdylyq sharasyna Bas múftı Naýryzbaı qajy Taǵanuly arnaıy qatysyp, ıgi iske qoldaý bildirdi. Astana qalasy ókildigi de atalǵan respýblıkalyq marafonǵa belsendi túrde atsalysty. Sharaǵa Astana qalasynyń Bas ımamy Erbolat Júsipov, «Zeket jáne qaıyrymdylyq» qorynyń Astana qalasy boıynsha jaýapty mamany Nurbol Orazbaı, sondaı-aq elorda ımamdary men eriktiler qatysty.

Bas múftı óz sózinde qasıetti Quran aıattaryna toqtalyp, qaıyrymdylyq jasaýdyń saýapty is ekenin atap ótti. Sonymen qatar, jyl basyndaǵy Baǵdarlyq baıandamasynda táýelsizdiktiń 35 jyldyǵyna oraı respýblıka kóleminde aýqymdy is-sharalar ótkizýdiń mańyzdylyǵyn aıtqanyn jetkizip, osy bastama aıasynda qasıetti Ramazan aıynda «35 myń azyq-túlik sebetin taratý» qaıyrymdylyq aktsııasy júzege asyrylyp jatqanyn atap ótti.

Bul ıgi shara – el birligi men yntymaǵynyń, baýyrmaldyq pen janashyrlyqtyń naqty kórinisi. Qaıyrymdylyq marafony qasıetti Ramazan aıynyń sońyna deıin jalǵasyp, jalpy sany 35 myń otbasyǵa azyq-túlik sebetterin jetkizý kózdelgen.

Sýretterdi «FOTOGALEREIa» aıdarynan kóre alasyz!