Elorda ımamdary qala ákiminiń «Alǵys hatymen» marapattaldy (FOTO)

Búgin respýblıkalyq «Áziret Sultan» meshitinde Elorda ımamdary úshin jóni bólek jınalys bolyp ótti. Qashanda qaýyrt ta qalyń jumystyń qyspaǵynda júretin ımamdar qaýymy bul jınalystan ádettegideı tyń tapsyrmalar júktelip emes, atqarǵan eńbegine oraı alǵys alyp qýanyshty qaıtty. Jıynǵa arnaıy qatysqan Nur-Sultan qalasy ákiminiń orynbasary Bahtııar Mákenuly Elorda ımamdarynyń karantın kezindegi jumystaryn aıryqsha atap ótip, ınfektsııanyń aldyn alý jáne saldaryn joıý jumystaryna qosqan úlesi zor ekenin jetkizdi. Nur-Sultan qalasy ákimi Altaı Kólginovtyń ystyq sálemin jetkizip, qala basshysynyń «Alǵys hatyn» tabystady.

Qala ákiminiń «Alǵys hatynda» indetpen kúres ýaqytynda Elorda ımamdarynyń uıytqy bolýymen jyl basynan beri ótken túrli qaıyrymdylyq sharalary men volonterlyq qyzmetter, onlaın dárister men aqparattyq túsindirý jumystaryn joǵary baǵalaıtyny aıtylyp, el ıgiligi jolyndaǵy qyzmetterine sáttilik tilegen.

Qandaı qıyn-qystaý kezeńde de halyqqa qaltqysyz qyzmetin toqtatpaǵan ımamdar qaýymynyń jasaǵan jaqsylyǵy úshin saýapty bir Jaratqannan kúteri sózsiz. Degenmen, atqarǵan enbegińe oraı elden alǵys alyp, jumysyń joǵary baǵalanyp jatsa – boıdaǵy jigerińe jalyn qosyp, jańa belesterge qamshylaı túsetini de sózsiz ǵoı. Búgingi jınalystan Elorda ımamdary da osylaısha marqaıyp shyǵyp, qajyrlaryna qanat bitkendeı bolyp qaıtty.

Sýretterdi «FOTOGALEREIa» aıdarynan kóre alasyzdar!