Elorda ımamdary qala ákiminiń «Alǵys hatymen» marapattaldy (FOTO)

Sońǵy jyldary elimizdiń túkpir-túkpirinde dinı jat aǵymdardyń jaýynnan keıingi sańyraýqulaqtaı kúrt kóbeıip ketkeni eshkimge jasyryn emes. Saıyn dala tósinde san ǵasyr boıy qalyptasqan halyq senimine syna qaǵyp, sanasyn ýlaýǵa tyrysqan teris aǵymdardyń arbaýyna túskenderdiń az emestigi de belgili. Osy oraıda, QMDB tarapynan júrgizilip kele jatqan teris aǵymnan saqtandyrý baǵytyndaǵy profılaktıkalyq aǵartý jumystarynyń alar orny aıryqsha. Arnaıy júzdesýler ótkizilip, teris aǵymdar shyrmaýyna aldanǵandardy ata dinimizge qaıtarý baǵytynda atqarylyp jatqan jumystar da aýyz toltyryp aıtarlyqtaı. Qazirgi tańda elimiz boıynsha QMDB janynan qurylǵan Respýblıkalyq aqparattyq nasıhat (RANT) tobyna qosa, ár óńirlerde Jergilikti aqparattyq túsindirý toptary qurylyp, jemisti eńbek etip keledi.

Osy oraıda, Astana qalasynyń ákiminiń orynbasary Ermek Amanshaev Elorda ımamdarynan jasaqtalǵan JATT múshelerimen arnaıy kezdesý ótkizip, Bas shahardaǵy dinı ahýaldy jaqsartýǵa qosqan úlesterin aıryqsha atap ótti. QMDB tóraǵasynyń birinshi orynbasary, naıb múftı Naýryzbaı qajy Taǵanulynyń jetekshiligimen jumys istep kele jatqan Astana qalasy ókildigi JATT músheleriniń konfessııaaralyq kelisim men ultaralyq tatýlyqty nyǵaıtýdaǵy eńbekterin joǵary baǵalaıtynyn jetkizdi. Kezdesý sońynda Elorda ımamdaryna qala ákimi Baqyt Sultanovtyń atynan «Alǵys hat» tabystaldy.