Elorda ımamdary IV Respýblıkalyq forým qujattarymen tanysty (FOTO+VIDEO)

Búgin QMDB Nur-Cultan ókildiginiń qyzmetkerleriniń qatysýymen «Áziret Sultan» meshitinde «IV Respýblıkalyq ımamdar forýmy qujattaryn talqylaý» atty alqaly jıyn bolyp ótti. Jaqynda ǵana ótken Imamdar forýmynda qabyldanǵan «As berý mádenıeti», «Zırat jáne zııarat mádenıeti» jáne «Zııatker ımam» qujattary búgin ókldik qyzmetkerlerine keńinen tanystyrylyp, osy baǵyt boıynsha atqarylatyn jumys jospary bekitildi.

Qasıetti Quran aıattarymen ashylǵan jıyn barysynda Nur-Sultan qalasynyń bas ımamy Erbolat Júsipov atalmysh qujattardyń mańyzdylyǵyna atap ótip, dinı rásimderdi osy qujattarǵa saı atqarý týrasyndaǵy josparymen bólisti. Sondaı-aq, Erbolat Nuryldauly Nur-Sultan ókildigi boıynsha 2020 jyly atqarylǵan is-sharalar esebine toqtalyp, jetken jetistikter men ketken kemshilikter jaıynda da aıtyp ótti. Sóz sońynda barsha ókildik qyzmetkerlerin bir úıdiń balasyndaı jumyla jumys isteýge shaqyrdy.

Aıta keteıik, elimizdegi dinı rásimderdi birizdilikke túsirip, ımam tulǵasyn damytýǵa arnalǵan úsh qujat boıynsha keshe «Áziret Sultan» meshitinde arnaıy otyrys ótken bolatyn. Bas meshit ujymynan bastaý alǵan otyrys búgin alqaly jıynǵa ulasyp, Elorda ımamdary atalmysh qujattar jóninde tolyqqandy maǵlumat aldy. «Áziret Sultan» meshitiniń naıb ımamdary Jumanazar Óserhanuly men Qanat Qydyrmın, ustaz Maqsatbek Qaıyrǵalıevter úsh qujat boıynsha arnaıy baıandama jasap ótti. Jıynnyń ekinshi bóliminde ókildik qyzmetkerlerine jyl qorytyndysy boıynsha marapattaý rásimi júrgizilip, naıb ımamdar men ustazdarǵa «Alǵys hat» tabystaldy.

Sýretterdi «FOTOGALEREIa» aıdarynan kóre alasyzdar!