Elorda ımamdary biliktilikti arttyrý semınaryna qatysty (FOTO)

Nur-Sultan qalasy Din máseleleri zertteý ortalyǵynyń uıymdastyrýymen Elorda ımamdaryna arnalǵan «Dinı Ekstremızmge qarsy is-qımyl jáne aldyn alý boıynsha biliktiligin arttyrý» semınary bolyp ótti. Atalmysh semınarǵa Nur-Sultan qalasy Din isteri jónindegi basqarma basshysy Nurdáýlet Imanálıuly men QMDB bólim meńgerýshisi Smaıyl Seıtbekov arnaıy qatysyp, quttyqtaý lebizderin bildirdi.

Sondaı-aq, semınarǵa qatysýshylar úshin arnaıy spıkerler shaqyrylyp, ózekti taqyryptar boıynsha birqatar mańyzdy baıandamalar jasaldy. Atap aıtar bolsaq, Eýrazııa Ulttyq ýnıversıtetiniń oqytýshysy Nýradınov Almat «Teris dinı aǵymdardyń psıhologııalyq arbaý joldary» jaıly aıtsa, QMDB «Dinı bilim jáne kadr daıarlaý» bólim meńgerýshisi Smaıyl Seıtbekov «Islam dinindegi teris aǵymdardyń shyǵý tarıhyna» toqtalyp, olardyń negizgi ustanymdary men erekshelikteri týraly sóz qozǵady. Aıta keteıik, atalmysh semınarǵa Nur-Sultan qalasynyń bas ımamy Erbolat Júsipov modetorlyq jasap, mańyzdy basqosýdyń joǵary deńgeıde ótýine yqpal jasady.

Semınar sońynda qatysýshylarǵa Din máselelerin zertteý ortalyǵy atynan arnaıy sertıfıkattar tabystalyp, jumystaryna sáttilik tiledi.

Sýretterdi «FOTOGALEREIa» aıdarynan kóre alasyzdar!