ELORDA IMAMDARY «ASTANA SÝ ARNASYNYŃ» JUMYSYMEN TANYSTY (FOTO)

Elorda ımamdary «Astana sý arnasy» sharýashylyq júrgizý quqyǵyndaǵy memlekettik kommýnaldyq kásipornyna baryp, jumys barysymen tanysty. Sol jerde qyzmet atqaryp kele jatqan bilikti mamandar búkil qalany sýmen qamtamasyz etip otyrǵan ortalyqtyń negizgi protsesterimen tanystyryp, japondyq úzdik tehnologııalardyń jumys úrdisin baıandap ótti.  

Ortalyqty aralaı otyryp, qala halqy kúnde jaıbaraq tutynyp júrgen ár tamshy sýdyń artynda úlken eńbek pen mashaqat jatqanyn baıqaýǵa bolady. Osy bir jaýapty qyzmetti atqarý barysynda mamandar kemshilikterdi barynsha boldyrmaýǵa tyrysyp, shahar jurtshylyǵyn sýmen úzdiksiz qamtamasyz etip otyr.

Tarıhy áriden bastalatyn «Astana sý arnasy» MKK búginde elorda halqynyń ómir súrýine qajetti úlken qyzmetterdi atqaryp keledi. Ótken ǵasyrda óz jumysyn birneshe munara, shaǵyn shahta qudyqtary men Esil ózeni boıyndaǵy kishigirim jaǵalaý sý qubyrynan bastaǵan bolsa, qazirgi kezde kásiporynnyń qýatty óndiristik-tehnıkalyq tazalaý qurylǵylary, sorǵy stantsııalary bar.

Sý – bul úlken nyǵmet. Búgingi kúni álem jurtshylyǵy sý tapshylyǵyn sezinýde. Osy rette QMDB tóraǵasy, Bas múftı Naýryzbaı qajy Taǵanuly juma ýaǵyzynda jamaǵatty sýdy únemdeýge shaqyrǵan bolatyn. Elimizdiń búkil meshitterinde osy turǵydan ysyrapshyldyqqa jol bermeý týrasynda ýaǵyz-nasıhat jumystary júrgizilip keledi.

Sýretterdi tolyǵyraq saıtymyzdyń «FOTOGALEREIa» aıdarynan kóre alasyz!

Derekkóz: muslim.kz

 

Источник: Aidos