Elorda ımamdary 7 jumys baǵyty boıynsha jıyn ótkizdi (FOTO+VIDEO)

Búgin QMDB Nur-Sultan qalasy ókildiginiń 2021 jylǵy jumys josparyn bekitýge arnalǵan alqaly jıyn bolyp ótti. Qala bas ımamy Erbolat Júsipovtiń tóraǵalyǵymen ótken jıynǵa Elordadaǵy 12 meshittiń bas ımamdary men baǵyttar boıynsha jaýapty naıb ımamdar men ustazdar qatysty.

Qasıetti Quran aıattarymen ashylǵan ókildik jınalysynda QMDB Tóralqa májilisinde bekitilgen jeti jumys baǵyty boıynsha 2021 jyly atqarylatyn aýqymdy is-sharalar jospary túzilip, jaýapty qyzmetkerler bekitildi. Aıta keteıik, jaqynda ótken Tóralqa májilisinde Bas múftı Naýryzbaı qajy Taǵanuly óziniń baǵdarlamalyq baıandamasynda aqparat jáne qoǵammen baılanys, ýaǵyz-nasıhat, qaıyrymdylyq, oqý-aǵartý jáne kadrlyq áleýet, rýhanı tárbıe Ihsan ilimi, din men dástúr, dinı aǵymdarmen jumys baǵyttary boıynsha jumystarǵa basymdyq beriletinin jetkizgen bolatyn.

Osyǵan oraı, atalmysh baǵyttar boıynsha ókildik tarapynan jaýapty ımamdardyń ótken jylǵy jumys esebi tyńdalyp, jańa baǵyttar boıynsha jospar bekitildi. Keıbir baǵyttar boıynsha jańadan jaýapty ımamdar taǵaıyndalyp, kópshiliktiń usynys-talaptary tyńdaldy. Karantın rejımine baılanysty qashyqtyqtan oqytýǵa, taǵy da basqa is-sharalarǵa qatysty tyń jobalar talqylanyp, ǵalamtor jelisindegi ýaǵyz-nasıhat jumysyn jandandyrý tetikteri aıtyldy.

Sýretterdi «FOTOGALEREIa» aıdarynan kóre alasyzdar!