Elorda ákiminiń quttyqtaýyn jetkizdi (FOTO)

QMDB Tóraǵasy, Bas múftı Naýryzbaı qajy Taǵanuly Nur-Sultan qalasy ákiminiń orynbasary Baqtııar Máken jáne Nur Otan partııasy Nur-Sultan qalalyq fılıaly tóraǵasynyń orynbasary Erlan Kanalımovty qabyldady.

Kezdesýde qoǵamdyq kelisim men dinaralyq dıalogty nyǵaıtý máseleleri sóz boldy. Bas múftı Naýryzbaı qajy Taǵanuly Nur-Sultan qalasynda dinı salada atqarylyp jatqan jumystar týraly aıta kelip, QMDB-nyń bıylǵy 30 jyldyq mereıtoıy aıasynda iske asatyn saýapty sharalar jaıly baıandady.

Nur-Sultan qalasy ákiminiń orynbasary Baqtııar Máken Bas múftıge qala basshysy Altaı Kólginovtiń quttyqtaý hatyn tapsyrdy. Nur Otan partııasy Nur-Sultan qalalyq fılıaly tóraǵasynyń orynbasary Erlan Kanalımov QMDB tóraǵasyn jańa qyzmetimen quttyqtap, Dinı basqarma men din qyzmetkerleriniń saýapty jumysyna tabys tiledi.