Elorda ákimi Ramazan aıymen quttyqtaý hatyn joldady (FOTO)
El astanasy Nur-Sultan qalasynyń ákimi Altaı Kólginov qasıetti Ramazan aıyna oraı qala bas ımamy Erbolat Júsipovke quttyqtaý hatyn joldady. Isi musylman qaýymy saǵyna kútetin ulyq aıdyń Qazaqstan halqyna berekeli bolýyn tilep, Elorda ókildigi atqaryp jatqan ıgi sharalardyń jemisti bolýyna tilektestigin bildirgen.
«Óskeleń urpaqqa dáripteýge baǵyttalǵan izgilikti isterińiz qazaqstandyq qoǵamnyń dástúrli qundylyqtarynyń tiregi bolatynyna senimdimin» delingen quttyqtaý hatta.
Shahar basshysynyń quttyqtaý hatyn Nur-Sultan qalasynyń Din isteri jónindegi basqarma basshysy Álmuqanov Nurdáýlet arnaıy jetkizip, respýblıkalyq «Áziret Sultan» meshitinde Erbolat Júsipovpen kezdesti. Quttyqtaý hatyn arnaıy tabys etip, qasıetti Ramazan aıyna oraı izgi tilegin jetkizdi.
