Elimizde tuńǵysh ret sport-bar halal sertıfıkatyn aldy (FOTO)

Kókshetaýdaǵy «LONDON» sport-bary Qazaqstan musylmandary dinı basqarmasynyń «HALAL» sertıfıkatyn ıemdendi. Atalǵan qoǵamdyq oryn elimizdegi sport barlardyń arasynda alǵash ret osyndaı izgi qadamǵa baryp otyr. Endi munda spırttik ishimdikterdi shettetýden bólek, qumar oıyndarǵa da tosqaýyl qoıyldy. Iaǵnı, sport-barda qandaı da bir sporttyq jarystyń básekesi úshin aqsha tigilmeıdi.

Al, eń tań qalarlyǵy - «LONDON» sport-bary aldaǵy ýaqytta árbir juma kúni keshkisin ulttyq qundylyqtarǵa den qoıyp, aqyndar aıtysy, án-kúı saıysy, jyr-terme baıqaýy sekildi is-sharalar uıymdastyrmaq. Osylaısha, atalǵan mekemeniń qyzmet túrleri túbegeıli ózgeredi. Nysannyń qojaıyny Ýálıhan Ǵabdýllınniń aıtýynsha, ol mundaı qadamǵa tek bir Allanyń razylyǵy úshin ǵana barǵan. Aıta keteıik, sońǵy jyldary Kókshetaý qalasynda «HALAL» standartyna ótken dámhanalar kóbeıip keledi.