Elimizde tuńǵysh ret «Halal market» ashyldy (FOTO)

QMDB tóraǵasy, Bas múftı Naýryzbaı qajy Taǵanulynyń bastamasymen elimizdiń ár óńirinde «QMDB halal» ónimder satatyn arnaıy saýda oryndaryn ashý qolǵa alyndy.

Elimizde alǵashqy «halal market» Aqtóbe qalasynda iske qosylyp otyr. Aqtóbe oblysynyń bas ımamy Tólebı Ospan, «Halal Damý» dırektory Aıbek Asqarbekulynyń  qatysýymen  qaladaǵy «№1 halal» azyq-túlik ónimderin satatyn dúkenniń resmı ashylý saltanaty ótti.

Bas ımamnyń aq batasynan keıin halal market jumysy iske qosylyp, alǵashqy tutynýshylarǵa «QMDB halal» ónim túrleri tanystyryldy.

Qalanyń №12 shaǵyn aýdany, 51a meken-jaıynda ornalasqan «Naýryzbaeva» kásipornyna tıesili «№1 halal» market «QMDB halal» sertıfıkatyna ıe:

1. Shujyq ónimderi;
2. Polýfabrıkattar;
3. Balmuzdaq;
4. Sút ónimderi;
5. Marmelad;
6. Sháı;
7. Kondıterlik;
8. Maı ónimderi;
9. Turmystyq hımııa ónim túrlerin satady.⠀

«Halal Damý» dırektory Aıbek Asqarbekuly bul ıgi bastamanyń alǵash bolyp Aqtóbe oblysynda júzege asqanyn, aldaǵy ýaqytta elimizdiń ár túpkirinen osyndaı saýda oryndaryn ashý josparda bar ekendigin jetkizdi.

Halal ındýstrııasyn damytyp, «QMDB halal» sertıfıkaty bar ónimderdi tanytýǵa at salysqany úshin «Naýryzbaeva» kásiporny basshylyǵyna alǵysyn bildirdi.

Atalmysh market jumysynyń aldaǵy ýaqytta «Halal Damýdyń» jergilikti baqylaýshy-ınspektory Jarashan Abdýsalımovtyń qadaǵalaýynda bolatyndyǵyn eskertti.