Elimizde tuńǵysh ret ıslamı ıpoteka beriletin boldy

Islamı ıpoteka paıyz bolmaýymen erekshelenedi. «Al Hilal» ıslamı banki aktsıonerlik qoǵamy alǵash ret ıslamı ıpoteka bere bastaıdy. Sharıǵat talaptaryna saı ıpotekany Almaty, Astana jáne Shymkent turǵyndary turǵyn úı alýda, ózge banktegi burynnan ashylyp qoıǵan ıpotekany qaıta qarjylandyrýda paıdalana alady.

Bir aıta keterligi, ıslamı ıpotekany elimizdiń azamattarynyń barlyǵy nanym-senimine qaramaı paıdalana alady. Bul qurylymnyń jumys tártibi mynadaı: bank turǵyn úıdi satyp alady da ony klıentke óz baǵasyn belgilep, bólip tóleýge usynady. Onyń baǵasy klıentke aldyn ala aıtylady ári satyp alǵansha baǵasy ózgermeıdi.

Sondaı-aq, ıslamı ıpotekanyń taǵy bir tıimdi jaǵy: tóleý tásiliniń qolaılyǵynda jatyr. Ádettegi bank klıentteriniń deni ıopteka merzimine qaraı baǵasy da óse túsedi. Al Hilal qarjy mekemesiniń ıslamı ıpoteka boıynsha tólem kestesi barlyq qarjylandyrý merziminde birdeı tólem júzege asyrylady, óıtkeni, annýıtet, qaıta tólem jasaý degen bolmaıdy.

«Al Hilal» ıslamı bank aktsıonerlik qoǵamy basqarmasynyń jetekshisiniń orynbasary Eltaı Muhamedjanov ıslamı ıpotekanyń elimizdegi ıslamı bankıngtiń damýy úshin jasalynǵan mańyzdy qadamdardyń biri ekenin alǵa tartyp otyr. 

Banktiń baılanys telefony: 8 (7172) 60 22 12