«El úlesi – páterge» jobasy boıynsha 123-shi baspana berildi (FOTO)

QMDB «Zeket qorynyń «El úlesi – páterge» jobasy boıynsha 123-shi baspana berildi. Bul baspana Taldyqorǵan óńirine qarasty Kóksý aýdany, Jarlyózek aýylyń turǵyny, alty aı buryn otaǵasynan aırylǵan úsh balanyń anasy Aqbergenova Záýresh Tóleýtaıqyzyna tabystaldy.

Kópshilik yqylasyna bólengen osynaý ıgi jobaǵa jamaǵattyń, aýyl adamdarynyń atsalysýyna uıytqy bolǵan Kóksý aýdanynyń bas ımamy Edilbek qajynyń, aýyl ımamy Edige jáne aýdandyq zeket ókili Baqyt baýyrymyzdyń eńbegin erekshe atap ótken jón.

Igi sharaǵa sol aýyldan shyqqan aýdandyq depýtat aǵamyz, aýyl ákimi de kýá bolyp, baspanaly bolǵan otbasyǵa ákimshilik gaz tartý etip, meshit shańsorǵysh syılady. Jıyn sońy aqsaqaldardyń bata berýimen tarqasty.