«El úlesi páterge» jobasy aıasynda 84-baspana berildi (FOTO)
Qazaqstan musylmandary dinı basqarmasy janyndaǵy «Zeket» qorynyń «El úlesi - páterge» jobasy boıynsha 84-shi baspana Qostanaı oblysy, Arqalyq qalasyna qarasty Rodına eldi mekerinde berildi. Bul baspana násip bolǵan januıa - asyraýshysy joq bes balanyń anasy Gúlmıra Jylqybaıqyzyna buıyrdy.
Bas múftıdiń bastamasymen respýblıka aýmaǵynda «El úlesi páterge» qaıyrymdylyq sharasy aıasynda osy muqtaj otbasynyń baspanaly bolýyna sebepshi bola aldyq.
Atalmysh – joba meshit ımamdarynyń halyqqa, jamaǵatqa túsindire jetkize bilgen nasıhattarynyń nátıjesinde iske asýda. Bul saýapty is-sharaǵa Qostanaı oblysynyń barsha jamaǵaty atsalysty.
Sondaı-aq, jańa qonys ıelerine Arqalyq qalasynyń ákimi Eldar Qonysbaıuly teledıdar, jeke kásipker «Ádil» dúkeni 50.000 teńgeniń sertıfıkatyn, «Mýhtasıb Álmuhammed» meshiti kilem tartý etti. Al aýyl ákimi Rústem Asanhanuly baspana qujattaryn rásimdep beretinin jetkizdi.
Oblys boıynsha atalmysh sharanyń iske asýyna sebepshi bolǵan Qostanaı oblysynyń ókil ımamy Bahytbekqajy Nurǵabyluly jınalǵan qaýymǵa qaıyrymdylyq, meıirimdilik jaıly tushymdy ýaǵyzyn aıtyp, baspana kiltin tabystady.
