El astanasynda Qurban shalý rásimi bastaldy (FOTO)

Búgin, qasıetti Qurban aıt merekesiniń alǵashqy kúni Nur-Sultan qalasynda Qurban shalý rásimi bastalyp ta ketti. Ardaqty Paıǵambarymyz (s.ǵ.s.) aıtqandaı, aıt kúnderi «adam balasy qurban shalyp, qan aǵyzýdan basqa súıikti ispen Alla Taǵalaǵa jaqyndaǵan emes». Karantın rejımi qatań saqtala otyryp, Qazaqstan musylmandary dinı basqarmasynyń uıymdastyrýymen júzege asyrylǵan Qurban shalý jobasy kún kóterilisimen-aq Elorda tórinde óz jumysyn bastap, árbir qylshyǵyna saýap jazylatyn ıgilikti jumysqa jumyla kiristi.

Elimizde jarııalanǵan karantın rejımine oraı bıylǵy Qurban shalý rásimi de qashyqtyqtan uıymdastyrylyp, osy baǵytta wuww.qurban2020.kz saıty iske qosylǵan bolatyn. Qurban shalýǵa nıet bildirgen jandarǵa karantın jaǵdaıynda ońtaıly jol usynyp,  qaıyrymdylyqqa dáneker bolǵan joba aıasynda búgingi kúnge deıin Elorda ókildigi boıynsha 32 iri qara, 600 qoı túligi jınalǵan. Aıta keteıik, onlaın qurban shalýǵa tapsyrys berý áli de jalǵasý ústinde.

Sondaı-aq, qurban2020.kz saıty arqyly qurban shalýǵa tapsyrys bergen jandarǵa qurban shalý rásimi barysynan vıdeo esep ázirlenip otyratyn bolmaq. Osy oraıda, arnaıy jumys toptaryna bólingen Elorda meshitteriniń barlyq qyzmetkerleri qaýpisizdik jáne saqtyq sharalaryn saqtaı otyryp, Qurban aıt merekesi - qýanysh merekesi bolýyna óz úlesterin qosatyn bolady.

Sondaı-aq, qurbandyq etin bólshektep, muqtaj jandarǵa taratý syndy barlyq uıymdastyrý jumystary meshit qyzmetkerleri men erikti jamaǵat kómegi arqyly júzege asatyn bolady. Aıta keteıik, Nur-Sultan ókildiginiń uıymdastyrýymen qurbandyq etteri túgeldeı úıdi-úıge taratylyp, qurban2020.kz saıty arqyly ótinish bildirgen otbasylarǵa tabystalady.

Sýretterdi «FOTOGALEREIa» aıdarynan kóre alasyzdar!