E. Ońǵarov Aqmola oblysynda kezdesýler ótkizdi (FOTO)

QMDB ókili, ıslamtanýshy Ershat Ońǵarov Aqmola oblysynda biraqatar taǵylymdy kezdesýler ótkizdi. Aldymen oblystaǵy túzetý mekemelerin aralap, ondaǵy jazasyn óteýshilermen áńgimelesti. Jat aǵymnyń zııandy jaqtary jaıly tereń áńgime qozǵady.
Mundaı kezdesýler Kókshetaý qalasyndaǵy meshit jamaǵattarymen de boldy. Kezdesý aıasynda dástúrli dinı qundylyqtar nasıhattalyp, jat aǵymmen kúres máselesi aıtyldy.

«Naýan xaziret» meshitinde oblystyń meshit qyzmetkerlerimen suxbattasyp, ımamdardyń dinı tulǵasy jáne jeke minez-qulqy máselesin keńinen qozǵady. Artynan aýdan, qala ımamdarymen kezdesý bolyp ótti. Bul basqosýǵa Aqmola oblystyq ishki saıasat basqarmasynyń basshysy Ǵalym Shoıkın qatysyp, ımamdarmen pikir almasty. Memleket pen din, ıaǵnı zaıyrly qoǵam jaıly oılar ortaǵa salyndy.

Ershat Ońǵarov juma namazyna qatysyp, jamaǵatqa arnasy tereń ýaǵyz aıtty.