«E-múftııat» aqparattyq júıesi iske qosylady (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń bastamasymen «E-MÚFTIIaT» aqparattyq júıesi qurylatyn boldy.

Elordada ótken alqaly jıynda Bas múftıge atalǵan jobanyń jospary tanystyryldy.

Aıta ketsek, «E-MÚFTIIaT» aqparattyq júıesine ımam-moldalardyń bilim deńgeıi, ǵylymı derejesi, ulty, otbasy jaǵdaıy, oblystaǵy meshit sany, t.b. málimetter engizilmek.

«Qazir Elektrondy tehnologııanyń damyǵan zamany. Álem Elektrondy júıege kóshý úderisinde. Biz, din qyzmetkerleri bul tendentsııadan qalys qalmaýymyz qajet. «E-MÚFTIIaT» aqparattyq júıesi jumys tıimdiligin arttyrýmen qatar, QMDB Ortalyq apparatynyń kadr qyzmetin ońtaılandyrýǵa oń yqpal etedi. Sondyqtan osy jobany jetildirip, iske qosýdy tapsyramyn», – dep atap ótti QMDB Tóraǵasy Naýryzbaı qajy Taǵanuly.