DINI SARAPTAMA BÓLIMINIŃ JUMYSYN JETILDIRÝ JÓNINDE JIYN ÓTTI
Qazaqstan musylmandary dinı basqarmasynda Bas múftı Naýryzbaı qajy Taǵanulynyń tapsyrmasymen Dinı saraptama bóliminiń jumysyn jetildirý boıynsha jıyn ótti.
Basqosýǵa naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly, Din isteri komıtetiniń Dintaný saraptamasy basqarmasynyń basshysy Nurǵalı Qabylov, QMDB Apparat basshysy Ǵylymbek Jádigeruly arnaıy qatysty.
Jıynda aldymen Dinı saraptama bóliminiń jyl basynan beri atqarǵan jumys esebi tyńdaldy. Bul rette bólimniń ár óńirdegi, Almaty, Astana jáne Shymkent, Aqtóbe, Qaraǵandy ókildikterindegi jaýapty mamandary baıandama jasap, atqarylǵan jumystary men josparlaryn bólisti. Sonymen qatar, dinı bilim salasyndaǵy jańashyldyqtar men dintaný baǵytyndaǵy saraptamalyq taldaýlardyń mańyzdylyǵy sóz boldy.
Jınalys barysynda erekshe nazar aýdarylǵan máselelerdiń biri – dinı aǵymdar men ıdeıalardyń taralýyna qarsy kúres baǵytyndaǵy jumystar jáne osy jat dinı ıdeologııanyń taratylýyna sebep bolatyn eńbekterge tosqaýyl jasaý boldy. Bul baǵytta dinı saraptama bólimi qyzmetkerleri túrli aqparattyq-tájirıbelik sharalardy júzege asyryp, halyq arasynda durys dinı túsinik qalyptastyrýǵa kúsh salýda.
QMDB Dinı saraptama bóliminiń meńgerýshisi doktor Nurlan Qaıyrbekov bólim jumystarynyń sapasyn arttyrý jáne jańa ádis-tásilderdi engizý arqyly múftııattyń qoǵamdyq mıssııasy da kúsheıe túsedi deıdi.
Jınalys qorytyndysynda aldaǵy ýaqytta jumysty jetildirý, jańa mindetterdi iske asyrý jóninde aıtyldy. Budan bólek, Din isteri komıtetiniń Dintaný saraptamasy basqarmasy jáne QMDB Dinı saraptama bólimi arasyndaǵy memorandým qabyldaý jaıly sheshimge keldi. Jáne Dinı saraptama bólimi aldaǵy ýaqytta kitaptardyń saraptaý júıesi jaıly kitapsha jarııalanatyny aıtyldy.
