Dinı birlestiktermen baılanys jónindegi keńes ótti (FOTO)
Nur-Sultan qalasy ákimdiginde dinı birlestiktermen baılanys jónindegi keńes otyrysy bolyp ótti dep habarlaıdy Elorda Info.
Keńes otyrysynda memlekettik organdar men dinı birlestikterdiń zaıyrly qoǵamdaǵy ózara árekettesýiniń mańyzdylyǵy, dinı qyzmet jáne dinı qyzmet týraly zań normalary, sol sııaqty Memleket basshysynyń Qazaqstan halqyna Joldaýy qaraldy.
«Qala ákimdiginde buǵan deıin de birneshe kezdesý uıymdastyryldy, elordanyń dinı máselesi kún tártibinde. Bizdiń maqsat - memleket júrgizip jatqan saıasatty jalǵastyra otyryp, eldegi tynyshtyq pen beıbitshilikti saqtaý. Sondaı-aq, qoǵamdaǵy rýhanı kelisimdi nyǵaıtý, konfessııaaralyq qatynastardy úılestirý. Jáne de memlekettik saıasat máseleleri jónindegi ustanymdar men usynystardy ázirleý jáne sybaılas jemqorlyqqa qarsy saıasatyn nasıhattaý bolyp tabylady. Elimizde dinı konfessııalyq saıasatty júrgizetin aqparat mınıstrligi men arnaıy komıtet bar. Odan bólek, elimizdegi dinı ahýaldyń turaqtylyǵyn saqtaý jumystary Úkimettiń nazarynda. Ótken jyly din týraly zańnamanyń qabyldaýyna Parlament depýtaty retinde ózim de qatystym», - dedi qala ákiminiń orynbasary Baqtııar Máken.
Uıymdastyrýshylardyń aıtýynsha, atalǵan sharany ótkizýdegi maqsat – azamattardyń dinı nanym erkindigi men dinı birlestiktermen ózara qarym-qatynas quqyqtaryn qamtamasyz etý.
Foto avtory Sultan Seıitov
