DINI BASQARMADA «BÓLIM SAǴATY» ÓTTI (FOTO)

30 mamyr 2024 1187 0 Оqý rejımi

Búgin elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly múftııat qyzmetkerlerine kezekti «Bólim saǵatyn» ótkizdi.

Jıynda Tsıfrlyq damý bóliminiń meńgerýshisi Tımýr Orynhan Bas múftıge buǵan deıin atqarylǵan jumystar men jańa jobalar jóninde esep berdi. E-MUTIYAT Elektrondy júıesiniń jumys barysyn, fatua.kz saıtynyń jańa dızaın nusqasyn, sondaı-aq Muftiyat.kz pen Qajy Guide qosymshalaryn, aldaǵy Qurban aıtqa qaraı iske qosylatyn Qurban2024.kz jobalaryn tanystyrdy.

QMDB Tóraǵasy Naýryzbaı qajy Taǵanuly bólim meńgerýshisine atqarylǵan jumystar men jańa jobalar úshin alǵysyn aıtyp, rızashylyǵyn bildirdi. Oǵan qosa, tsıfrlandyrý búgingi tańda Memleket basshysy Qasym-Jomart Toqaevtyń nazaryndaǵy qarqyndy damyp kele jatqan sala ekenin, aldaǵy ýaqytta da Dinı basqarma qyzmetinde bul salany jetildire berý kerektigin atap ótti.

Jıyn sońynda Bas múftı naqty tapsyrmalar berip, bólim meńgerýshileri tsıfrlandyrýǵa qatysty usynys-pikirlerin ortaǵa saldy.