DINI BASQARMA JANYNAN QURAN SEKTORY AShYLDY (FOTO)

15 aqpan 2024 579 0
Оqý rejımi

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń bastamasymen múftııat janynan Quran sektory ashyldy.

Bul týraly Bas múftı Dinı basqarmanyń Apparat jınalysynda habarlady. Al sektor meńgerýshisi bolyp elimizge belgili qarı, Respýblıkalyq bas meshittiń naıb ımamy Serik Ahmet taǵaıyndaldy.

Aıta keteıik, QMDB Tóraǵasy Naýryzbaı qajy Taǵanuly jyl basynda barsha din qyzmetkerlerine joldaǵan Baǵdarlyq baıandamasynda halyqaralyq, respýblıkalyq Quran jarystaryn turaqty ótkizip otyrýdyń mańyzyn aıta kele: «Osyǵan oraı QMDB janynan Quran sektoryn ashý týraly sheshimge keldim. Atalǵan sektor Qarılar daıarlaý ortalyqtarynyń jumysyn jandandyrýǵa, Qurandy saýatty oqıtyn ımamdar shoǵyryn qalyptastyrýǵa, Quran jarystaryn sapaly ári nátıjeli ótkizýge jan-jaqty úles qosýy tıis» dedi. Jınalys barysynda Bas múftı Serik qarı Ahmettiń jaýapkershiligi úlken jańa jumysyna bereke, sáttilik tiledi.

​Derekkóz: QMDB Baspasóz qyzmeti 

Pіkіrler Kіrý