Dinı basqarma tóraǵasy Atyraýda «Imamdar úıi» keshenin ashty (FOTO)

Atyraý oblysyna eki kúndik jumys sapary aıasynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly «Imamdar úıiniń» ashylý rásimine arnaıy qatysty.

– Asyl dinimizdi keńinen jaıýda, jat aǵymdarmen kúreste bilikti maman kerek. Bilikti mamanǵa jan-jaqty jaǵdaı jasaýymyz qajet. Osy rette, Qazaqstan musylmandary dinı basqarmasy janyndaǵy «Zeket» qory arqyly «El úlesi – páterge» jobasy aıasynda baspanalardy ımamdarǵa tabys etip otyrmyz, - degen Bas múftı Naýryzbaı qajy Taǵanuly «Imamdar úıiniń» ashylýy da din qyzmetkerleriniń alańsyz eńbek etýi úshin jasalyp otyrǵan jaǵdaı ekendigin atap ótti.

Alty januıaǵa arnalǵan úı eki qabattan turady. Qaıta jańǵyrtylǵan turǵyn úı kesheniniń tómengi qabatynda eki bólmeli, joǵarǵy qabatynda bir bólmeli páterler ornalasqan.
Atap ótý kerek, «Imamdar úıi»  arnaıy turǵyn úı kesheni Atyraýda buryn-sońdy bolmaǵan. Osylaısha, «El úlesi – páterge» jobasy aıasynda 284, 285, 286, 287, 288 jáne 289-shy páterler  ımamdarǵa tabystalyp otyr.