DINI BASQARMA QOLJAZBALAR ORTALYǴYMEN ORTAQ MEMORANDÝM QABYLDADY
Búgin Astanada Qazaqstan musylmandary dinı basqarmasy men Qoljazbalar jáne sırek kitaptar ulttyq ortalyǵy ortaq memorandým qabyldady. Qol qoıý rásimine QMDB Tóraǵasy, Bas múftı Naýryzbaı qajy Taǵanuly men atalǵan ortalyq dırektory Jandos Bekdildauly qatysty.
«Múftııat bıylǵy jyldy «Islam jáne dástúr qundylyǵy» jyly dep jarııalady. Osy bastama aıasynda jeke adamdar qolyndaǵy, meshit murajaıyndaǵy qundy jádigerlerdi halyqqa keńinen nasıhattap, ǵylymı aınalymǵa engizý jolynda qyzmet etip jatyrmyz. Osy baǵytta Qoljazbalar jáne sırek kitaptar ulttyq ortalyǵymen birlese ortaq jobalardy júzege asyrýdy bastadyq. Alla Taǵala ultymyzdyń qundy jádigerlerin halyqqa nasıhattaý jolyndaǵy ortaq jumysymyzǵa jar bolǵaı. Taǵylymdy tarıhymyzdan tálim alǵan jastarymyzdyń qatary molaıa túskeı. Ámın!» dedi Naýryzbaı qajy Taǵanuly.
Is-sharadan keıin Bas múftı ortalyqtyń jumysymen tanysyp, qyzmetkerlerdiń jumysyna sáttilik tiledi. Aıta ketsek, múftııat osyǵan deıin Qoljazbalar jáne sırek kitaptar ulttyq ortalyǵyna 150-den astam qundy qoljazbalardy bergen bolatyn.
