Dinı basqarma Kaırdegi stýdentterge 1 mln teńge qaıyrymdylyq kómek kórsetti (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Mysyr Arab Respýblıkasyna jasaǵan resmı sapary kezinde «Talaba» qaýymdastyǵynyń shákirtterine táýelsizdigimizdiń 30 jyldyq mereıtoıyna oraı 1 mln teńge qaıyrymdylyq kómek kórsetti.

Bas múftı Naýryzbaı qajy Taǵanuly elshilikte stýdenttermen bolǵan kezdesýde Dinı basqarmanyń jaýapty ókili Rýslan Serǵazıevke syılyqtyń sertıfıkatyn resmı túrde tabystady.

«Dinı basqarma shetelde oqyp jatqan shákirtterdi rýhanı hám áleýmettik turǵydan qoldaý kórsetýge árqashan daıyn. Bilimniń qubylysy bolyp sanalǵan Mysyr elinde tolyqqandy bilim alyp, elge oralyp, qoǵam ıgiligi úshin qyzmet etýge shaqyramyn» dedi Naýryzbaı qajy Taǵanuly.

Aıta ketsek, qaıyrymdylyq baǵyttaǵy qarjy QMDB «Zeket» qorynan bólindi.