Dinı basqarma bir aptada 11 387 betperdeni tegin taratty (FOTO)
Qazaqstan musylmandary dinı basqarmasy elimizdegi tótenshe jaǵdaıǵa baılanysty juqpaly indettiń aldyn alý maqsatynda halyqqa bir apta ishinde 11 387 dana betperde taratty. Bul týraly QMDB Qaıyrymdylyq jáne ýaqyp isteri bóliminiń meńgerýshisi Kamaljan Turdybaev málimdedi.
«Búginde Bas múftı Naýryzbaı qajy Taǵanulynyń bastamasymen respýblıka deńgeıinde túrli baǵytta qaıyrymdylyq sharalary júzege asýda. Sonyń biri – tótenshe jaǵdaı kezinde juqpaly indettiń aldyn alý maqsatynda halyqqa tegin betperde jetkizý. Betperde meshitterimizdegi tigin sheberhanalarynda tigildi. Qalǵan bóligi demeýshilerdiń kómegimen jetkizildi. Osy rette ıgi bastamaǵa úles qosqan barsha din qyzmetkerlerine, demeýshi azamattarǵa aıryqsha alǵysymyzdy jetkizemiz» dep atap ótti Kamaljan Turdybaev.
Aıta ketsek, bul qaıyrymdylyq sharasyna aımaqtaǵy ımamdar úles qosqan.
