DINDER KÓShBASShYLARY SEZI HATShYLYǴYNYŃ HHII OTYRYSY BASTALDY

Elordada Álemdik jáne dástúrli dinder kóshbasshylary sezi hatshylyǵynyń HHII otyrysy bastaldy.

Sez hatshylyǵyna qatysyp jatqan álemdik jáne dástúrli dinder kóshbasshylary qatarynda QMDB Tóraǵasy, Bas múftı Naýryzbaı qajy Taǵanuly da bar.

Búgingi jıynnyń alǵysózinde QR Parlamenti Senatynyń tóraǵasy sezdi damytý tujyrymdamasynyń aıasynda usynylyp otyrǵan mańyzdy bastamanyń biri – jas din kóshbasshylarynyń forýmyn ótkizý ekenin erekshe atap ótti.

«Konfessııaaralyq jáne mádenıetter arasyndaǵy dıalogqa jastardy belsendirek jumyldyrý qajet ekeni aıdan anyq. Sez jumysyna jas kóshbasshylardyń qatysýy órkenıetter arasyndaǵy, dinder arasyndaǵy dıalogta dástúr men sabaqtastyqty saqtaýǵa múmkindik beredi» dedi Senat spıkeri.  

​