DIN QYZMETKERLERI MEShIT USTAZYNYŃ KÓŃILIN SURADY (FOTO)

QMDB «Zeket jáne qaıyrymdylyq» qorynyń dırektory Maqsatbek Qaıyrǵalıev pen Astana qalasynyń bas ımamy Erbolat Júsipov birer aı buryn jol apatyna ushyraǵan Kóktal meshitiniń ustazy Hýrsand Bertymýratovtyń kóńilin surap, úıine bardy.

Kólik apaty saldarynan aıaǵynyń ortan jilik súıegi synyp, oń aıaǵynyń súıegi jarylǵan jáne aýyzdaǵy tisteri de synypty. Endi  sol aıaǵyna ota jasalǵan Hýrsand Bertymýratov dáriger keńesi boıynsha eki aı tósekte jatýǵa májbúr.

Naýqastyń shańyraǵyna zııarat jasap barǵan din qyzmetkerleri kóńilin surap, Alladan shıpa tiledi. Saýapty da jaýapty jumysty jalǵastyrýǵa tilektestik bildirdi. Sonymen birge Hýrsand Bertymýratovqa aldaǵy em-sharalary úshin 500 myń teńge kóleminde aqshalaı sertıfıkatyn tabys etti.

Alla Taǵala din qyzmetkeriniń dertine shıpa, denine saýlyq bergeı!